Video
Read full review
2023-07-22
15 views
之前見人嚟呢度打卡，又見d 嘢食好似幾吸引，所以我都乘機去試吓☺️唔好見到林村就覺得遠，其實都幾方便同易搵。入到去見地方都幾大，分別有室外同室內，環境好chill同relax, 整體嘅裝潢都好有古典風。可惜小妹當日嚟嘅時候，天氣不似預期…唔係嘅話可以坐室外曬下日光浴🤣我同朋友叫咗兩個set lunch 同一個小食。set lunch 包頭盤一款，主菜一款，同指定飲品一杯（茶/咖啡). 頭盤同主菜都提供多款選擇，做得唔錯！小食：🌱炸魚配啤酒味薯條: 呢個簡直有驚喜同出色😋😋😋！粉漿一d 都唔厚，做到脆口而不油！魚塊有別於出面果d, 係比較有魚鮮味而且做到嫩滑嘅口感！薯條係細細條，硬脆果隻！雖然係小食，但原來都幾大碟下，食完都飽左一半🤣Set lunch:🌱周打魚忌廉湯：湯帶有濃濃嘅忌廉香，而且湯料都多，仲有魚塊，飲落好滑同有鮮味。配上蒜香嘅脆邊多士，簡直一流🌱黃金大蝦尖通粉：上菜已聞到陣陣蝦味！隻蝦好大隻，富有陣陣牛油香氣，而且鋪滿大量芝士🤭個通粉軟硬度適中，做到掛汁，個汁係蛋黃醬嚟，加上大蝦嘅鮮味令整體味道昇華😋🌱凱薩沙律：d 沙律菜新鮮爽甜。配料有麵包粒同煙肉片，煙肉味道唔係勁咸果種，
我同朋友叫咗兩個set lunch 同一個小食。set lunch 包頭盤一款，主菜一款，同指定飲品一杯（茶/咖啡). 頭盤同主菜都提供多款選擇，做得唔錯！
小食：
🌱炸魚配啤酒味薯條: 呢個簡直有驚喜同出色😋😋😋！粉漿一d 都唔厚，做到脆口而不油！魚塊有別於出面果d, 係比較有魚鮮味而且做到嫩滑嘅口感！薯條係細細條，硬脆果隻！雖然係小食，但原來都幾大碟下，食完都飽左一半🤣
Set lunch:
🌱周打魚忌廉湯：湯帶有濃濃嘅忌廉香，而且湯料都多，仲有魚塊，飲落好滑同有鮮味。配上蒜香嘅脆邊多士，簡直一流
🌱黃金大蝦尖通粉：上菜已聞到陣陣蝦味！隻蝦好大隻，富有陣陣牛油香氣，而且鋪滿大量芝士🤭個通粉軟硬度適中，做到掛汁，個汁係蛋黃醬嚟，加上大蝦嘅鮮味令整體味道昇華😋
🌱凱薩沙律：d 沙律菜新鮮爽甜。配料有麵包粒同煙肉片，煙肉味道唔係勁咸果種，同埋鍾意佢脆得嚟唔太油
🌱美國安格斯肉眼扒(8oz): 油脂分佈唔差，肉質唔會太韌而且煎到恰到好處，扒邊脆而肉質嫩😊
整體嚟講，份量十足，環境優美，職員又唔會好push ，好啱一家大細同一大班朋友relax 同chill 嘅地方。最正呢間餐廳係寵物友膳餐廳嚟，所以可以帶埋心愛嘅毛孩齊齊打卡同chill 啦。
Post