曜謨串燒居酒屋

Open Now

Now Closed

同老婆喺西環探完父母諗住番去自己個區先食嘢，諗住去泓都搭的士，行到去厚和街，見到之前食過嘅串燒鋪轉咗名，（曜謨串燒店），仲諗住呢個（謨）係讀莫，點知最後先知原來係讀（無）音，好彩有老闆兼樓面嘅（昌哥）話我知，講完閒話，講番正題，其實我之前都有幫襯呢間串燒店，感覺氣氛幾好，嘢食又ok，但有段時間師傅啲串燒好鬼咸，但今次去啲人唔同哂，師傅手勢好好，咸淡適中，有啲遍淡（可能因為我同昌哥講咗我食唔到太咸，所以佢幫我同師傅講唔好咁重手）老婆食得超開心（如果佢唔開心，我唔可以叫酒飲架，因為急急腳要走，所以我可以開一支720ml嘅大賀，昌哥介紹嘅）我最鐘意食羊架，牛肉，雞腎，雞肝（哈哈，其實係串燒我都鐘意食，因為配埋清酒真係冇得輸），我老婆鐘意食白鱔，虎蝦，鮑魚，佢話師傅燒得啱啱好，所以當晚都食咗好多，最後我仲可以開兩支清酒添，全晚感覺超開心又滿足，好耐冇試過食串燒店咁開心（有試過經歷唔好嘅，呢到唔講喇）所以喺到同咁多位bro，sis講呢間嘢可以值得一試，佢地成班師傅樓面都好尊重啲客人，好窩心