COFFEE JACK

Open Now

Now Closed

3月底時嚟堅尼地城，經過見到新開的咖啡店，覺得好環境好舒服，今次再在閒日下午茶時段過嚟，見到有新嘅飲品同食品，又嚟hea下同試下。堅尼地城厚和街，啱啱在大街隔一條街，環境清靜，同間咖啡店個vibe好夾，小店分室內和室外空間，座位雖然不多，但感覺舒服，好啱平日下午茶時間嚟hea下。飲品方面，上次飲咗Iced Americano， 我本身對咖啡認識唔深，只憑自己感覺，覺得好唔好飲。  呢間咖啡店嘅咖啡，感覺唔strong，比較順滑舒服，啱我口味！ 今次就試飲佢地新出的 Cucumber Expresso Tonic，賣相100分，靚到呢！  味道都出奇地refreshing， 無諗過青瓜味可以同Expresso Tonic 咁配，不過個人嚟講，覺得青瓜味有少少略甜，但如果口味愛甜嘅，就一定好喜歡。至於新出嘅食品，就係好特別嘅棉花糖牛角包，有兩個口味（朱古力/抹茶），今次試咗朱古力味。兩大片棉花糖夾在牛角包中，烘到半溶，上面加上朱古力漿同埋朱古力粉，再以爆谷伴碟。 朱古力+棉花糖+牛角包呢個配搭，果然有驚喜，牛角包鬆脆，加上棉花糖嘅軟棉棉，棉花糖咬開仲會打絲！！ 真係好玩又好食。