Factory 99

Open Now

Now Closed

今日好姐妹有得收早，大家剛剛又去完旅行，想交換禮物和傾吓計，好耐冇食Factory 99，所以上咗去食。見到佢晚餐有牛扒，我哋兩個都叫咗牛扒餐，牛扒有9安士都幾大塊，我叫咗7成熟，好姐妹叫咗5成熟，塊牛扒雖然大塊但好薄，叫咗7成熟，但我覺得熟過頭，有啲韌，同埋啲脂肪好多，配菜係薯條，都好粗身和脆，仲有個茄子都幾好食。餐湯係薯蓉湯有幾點麵包乾，好好飲，個餐包熱熱地好鬆軟，好好味。餐飲我叫咗凍檸檬茶，茶底好香，都好好飲。牛扒晚餐$179，唔洗加一，都算抵食，但可惜塊牛扒over cook又韌咗啲，真係有啲失望。環境好舒服，平日都唔算多人，點咗蠟燭都幾浪漫。