全盛燒臘茶餐廳

Open Now

Now Closed

嗰日去開九龍城，見到朋友諗住先去食個午餐，所以咪係附近搵吓。行經衙前圍道一間燒臘店，見到好多人幫襯。見到啲燒味好吸引，所以決定入去試吓。大約兩點鐘入去坐低，人數都唔少。燒味選擇種類繁多。仲有其他款式嘅食物。奉送明火靚湯，咖啡同奶茶。菜心鮮嫩翠綠，咬落非常爽口。叉燒煎蛋飯有好多叉燒，叉燒半肥瘦加上嫩滑嘅炒蛋，口感一流，而且份量好多。茄汁豬扒飯塊豬扒好大塊好軟滑，配合好香濃嘅茄汁，茄汁味道酸酸地好開胃。杯凍飲仲好大杯添，價錢真係超值。