Video
Read full review
2021-06-01
222 views
放工想同朋友聚一聚，所以就去附近搵咗間💛💛樓上Cafe嚟試吓。一入到黎見到呢度嘅裝修好特別，一入門口就擺咗好大隻胡桃夾子，呢度都設計到好似一個迷宮咁樣，有唔同嘅迂迴曲折嘅partition，仲放咗好多唔同嘅figure同擺設，仲有好多唔同嘅board game同埋卡game，食完飯仲可以順便玩，咁就輕輕鬆鬆渡過一晚。我哋幾個人就叫咗忌廉菠菜煙三文魚長通粉，煙鴨胸野菜配意大利黑醋，紅酒燉牛肋條飯，芝士肉醬焗薯皇，忌廉蘑菇湯，紐約芝士蛋糕，藍莓芝士蛋糕，嘢飲就叫咗Diana，nana milk。呢個煙鴨胸野菜配意大利黑醋真係好有驚喜，頭先一上到黎就見到有幾咁重量級，無論係野菜定係鴨胸份量都非常之大，煙鴨胸有小小嘅脂肪肥肉，咬落口都唔會好鞋，有啲油脂又有啲咬口，配埋菜仲有呢個酸酸地好開胃嘅意大利黑醋，真係一個好好嘅開胃菜。忌廉蘑菇湯有好香嘅胡椒味，非常綿滑，忌廉同蘑菇味唔會太突出，互相配合。個芝士肉醬焗薯和薯角焗得非常香脆，面頭配上大量嘅芝士同埋肉醬，完全可以做到拉絲效果，用嚟打卡一流。紅酒燉牛肋條，燉得非常入味，每一舊都聞到紅酒嘅香氣，用嚟送飯一流。個菠菜忌廉融為一體，有好香嘅牛奶香味，唔
一入到黎見到呢度嘅裝修好特別，一入門口就擺咗好大隻胡桃夾子，呢度都設計到好似一個迷宮咁樣，有唔同嘅迂迴曲折嘅partition，仲放咗好多唔同嘅figure同擺設，仲有好多唔同嘅board game同埋卡game，食完飯仲可以順便玩，咁就輕輕鬆鬆渡過一晚。
我哋幾個人就叫咗忌廉菠菜煙三文魚長通粉，煙鴨胸野菜配意大利黑醋，紅酒燉牛肋條飯，芝士肉醬焗薯皇，忌廉蘑菇湯，紐約芝士蛋糕，藍莓芝士蛋糕，嘢飲就叫咗Diana，nana milk。
呢個煙鴨胸野菜配意大利黑醋真係好有驚喜，頭先一上到黎就見到有幾咁重量級，無論係野菜定係鴨胸份量都非常之大，煙鴨胸有小小嘅脂肪肥肉，咬落口都唔會好鞋，有啲油脂又有啲咬口，配埋菜仲有呢個酸酸地好開胃嘅意大利黑醋，真係一個好好嘅開胃菜。
忌廉蘑菇湯有好香嘅胡椒味，非常綿滑，忌廉同蘑菇味唔會太突出，互相配合。
個芝士肉醬焗薯和薯角焗得非常香脆，面頭配上大量嘅芝士同埋肉醬，完全可以做到拉絲效果，用嚟打卡一流。
紅酒燉牛肋條，燉得非常入味，每一舊都聞到紅酒嘅香氣，用嚟送飯一流。
個菠菜忌廉融為一體，有好香嘅牛奶香味，唔會好漏，加埋啲煙三文魚同埋長通粉，好味， 10分推介！！
兩個芝士蛋糕都非常出色，糕體十分綿滑唔會好散，不過我就鍾意紐約芝士蛋糕多啲，可以仔細品嚐到芝士嘅香味，不過藍莓芝士蛋糕都唔錯，加埋啲藍莓果醬喺度點綴，口感同味道都更加豐富。
至於嘢飲我就非常之推介我個Nana Milk，飲落口完全同韓國嘅香蕉奶一模一樣味道啊，神還原！ 香蕉打到非常綿密，配埋非常夾嘅牛奶同埋乳酪，口感味道都一流，用嚟消暑就最啱啦，啱晒夏天！ ！
另外要一讚呢度嘅服務，老闆娘真係好好客，同每一枱客人都有傾有講，可以感受到個個想同客人分享美食嘅心，推薦。旺角💛💛cafe 嘅口袋名單又多一間😋😋
Post
