Popcorn Brother (Closed)

今日上個朋友屋企去食飯，咁就唸住去又新街果間滷味斬料加餸啦，成功泊左間車後，女朋友就去排隊啦，而我就周圍行下啦！行行下，嘩！點解會咁香呀！果陣味好熟悉，但係又噏唔出係d咩黎，於是就行過去望下究竟係d咩黎，過到去發覺原來係一間專賣爆谷嘅小店，望入去就裝備齊全，門口有兩部爆谷機，而且材料都好齊全，更加有d百利酒，於是我就盒40蚊1L容量試下啦，店員重同我講話下次攞返個盒黎可以減十蚊wor! 但係由於差不多食飯啦，唔敢食零食，於是就放左係架車度先，夜晚先食。咁返到去啦，夜晚無野做，就開黎試下啦！個盒都幾難開下！，一食，好好味喔！粒粒爆谷都好香口呀！而且份量都非常十足，絕無呃秤，焦糖味非常香，而且送酒係一流呀！粒粒都卜卜脆，絕對好過超市果d等級，下次我一定會帶埋個盒試下佢個百利酒味，支持小店！