Video
Read full review
2018-07-15
177 views
餐廳環境 (3.5/5)裝修係懷舊課室主題，係幾特別，但係啲位好迫，會撞到後面嗰枱人。大熱天時，喺商場入面，好似無乜冷氣咁，不過呢樣係商場問題餐廳服務 (4/5)餐廳係自助形式，主要得收銀員，自己岀去買餐俾錢，自己拎水，食完自己收餐盤。但係收銀員都幾好笑容食物質素 (2/5)真係好難食，我地一共食左三個湯麵一個小食，每樣都要用難食黎形容...其中一分係俾對筷子嘅🤣餐廳類型我係堂食。舖仔細細，只適合2-4人用餐。自助形式，不適合見客/formal用途點完餐俾完錢收返張單我滿腦子疑惑，因為單上全部寫簡體字，仲話係收人民幣，我以為因爲咁所以個銀碼唔啱，原來係因為小食無折。不過見到呢張單上嘅簡體字感覺都已經唔係咁好...清炖牛肉麵 $60由牛肉到湯底到麵條都唯一好少少係牛筋湯底: 好油，油到反晒光嗰隻，牛肉同麵條已經吸左好多油。成碗都係油味同香料味，食完好口渴牛肉: 好鞋好韌，但由於係炖嘅，已經比朋友嘅紅燒牛肉林啲麵條: 似上海粗麵。麵條吸晒湯底嘅油，令本身已經偏硬嘅麵條更難入口，點解麵都可以煮到咁牛筋: 因為咬得入，所以係整個麵最”好食”了 宜蘭葱餡餅 $45一碟五小粒，賣相睇落似係食得🤣但
裝修係懷舊課室主題，係幾特別，但係啲位好迫，會撞到後面嗰枱人。大熱天時，喺商場入面，好似無乜冷氣咁，不過呢樣係商場問題
餐廳服務 (4/5)
餐廳係自助形式，主要得收銀員，自己岀去買餐俾錢，自己拎水，食完自己收餐盤。但係收銀員都幾好笑容
食物質素 (2/5)
真係好難食，我地一共食左三個湯麵一個小食，每樣都要用難食黎形容...其中一分係俾對筷子嘅🤣
餐廳類型
我係堂食。舖仔細細，只適合2-4人用餐。自助形式，不適合見客/formal用途
點完餐俾完錢收返張單我滿腦子疑惑，因為單上全部寫簡體字，仲話係收人民幣，我以為因爲咁所以個銀碼唔啱，原來係因為小食無折。不過見到呢張單上嘅簡體字感覺都已經唔係咁好...
清炖牛肉麵 $60
由牛肉到湯底到麵條都唯一好少少係牛筋
湯底: 好油，油到反晒光嗰隻，牛肉同麵條已經吸左好多油。成碗都係油味同香料味，食完好口渴
牛肉: 好鞋好韌，但由於係炖嘅，已經比朋友嘅紅燒牛肉林啲
麵條: 似上海粗麵。麵條吸晒湯底嘅油，令本身已經偏硬嘅麵條更難入口，點解麵都可以煮到咁
牛筋: 因為咬得入，所以係整個麵最”好食”了
宜蘭葱餡餅 $45
一碟五小粒，賣相睇落似係食得🤣但睇真啲又係好油一咬，餅皮又厚又硬，入面好少餡，但都juicy(定係又係油呢？已經分唔清🤣)三個人每人試左一粒已經停手
呢間舖嘅裝修同餐具都睇得岀係落左好多心思，但始終係一間食店，食物味道總不能太趕客吧？而且喺尖沙咀大商場內，標價不會低，俾返相對應嘅食物質素食客都很合理吧？
一碗麵$60，不包嘢飲，而且味道差，用餐前後都係自己收拾(自助絕對不是問題，大前題係要值)...
縱觀各方面，我地都一致認同諗唔到理由會再有下次
Post
