Babbo Trattoria (Closed)

好少會寫劣評，但sorry真係好劣！一個人午餐諗住快快手搵間唔好咁貴既，銅鑼灣食意粉午餐閒閒地都成舊水，誤打誤撞去到呢間見價錢相宜，普通焗意粉/意大利飯應該唔會出事就試下，點知⋯⋯⋯⋯先講環境一般般，都幾舊下，啲櫈有啲爛，暗暗地咁，去到時只有6-7檯客；跟住啲侍應有兩位，一啲都唔忙，但坐底係水都冇杯既，跟住揮手係冇人理你，佢望到都唔會應，揮到我直情企起身先過黎，埋到黎企係度唔出聲🤷🏻‍♀️是但啦，啦啦臨嗌左個意大利飯+凍檸茶。上餐都算快，望埋去都幾好樣，不過一食落口⋯⋯⋯嘩⋯上面啲Ham係一陣酸宿味🤦🏻‍♀️🤦🏻‍♀️🤦🏻‍♀️🤦🏻‍♀️啲飯又林又硬又多油，杯檸檬茶已經叫左少冰，但除左飲到冰味之外係冇味既🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️加埋一盛惠$64，俾錢時個侍應都係冇表情冇講野咁隊張單埋黎。係平呀，不過落樓下茶餐廳食仲好食&好禮貌過佢囉！我食完好想扣喉，啲ham陣除真係好難頂🤦🏻‍♀️🤦🏻‍♀️🤦🏻‍♀️一定唔會再黎