譽點精緻點心 (Closed)

今日瞓到黃朝百晏先起身，廢事去酒樓排隊，咁就搵吓有咩點心店，見到呢間譽點唔太遠就去試吓。去到門口見人唔算多，拎飛好好彩幾分鐘就入得。坐低望吓張點心紙，咩料，一間點心專門店竟然得咁少選擇，張紙單面印刷，打開張紙分咗三欄，最右全部飲品，真正蒸點心其實得廿幾款左右，都無咩其他嘢食，咁就叫咗6樣嘢試吓就算，都廢事食咁多。一嚟就趁熱食粒蝦餃先啦，嘩！好有驚喜，竟然俾我食到十幾年前食過淘大定公仔急凍點心嘅味道，可能係差唔多配方整都唔定，食埋其他嗰啲我都幾肯定呢間都係用啲工場預製點心蒸返熱嚟賣，我哋兩個異口同聲都話唔話再幫襯。好食嘢樣真係再多字都形容唔到咁好味，但難食嘅樣真係打多隻字都嫌，廢事嘥心機。