TRIBES

Open Now

Now Closed

好少好少介紹食巴基斯坦菜，一嚟本身個人怕辣，所以驚食咖喱，第二就係之前食過一間覺得佢香料味太重，唔係好啱我食，不過今日依間係朋友介紹，佢話超級正宗，可以一改我對巴基斯坦菜嘅諗法，見佢講得咁好食，就同佢一齊出去食。餐廳嘅裝修唔算話好豪華，不過就感覺乾淨企理，叫咗香料咖喱雞， 羊肉，薄餅，一人一杯飲品，包括士多啤梨奶昔同埋凍檸檬茶。香料咖喱雞佢嘅香料唔係超級攻鼻或者令人有種搶喉嘅感覺，所以我都覺得呢一間唔錯，而且佢配埋薄餅一齊食都幾好食，佢個雞份量唔算好多，但係都好入味，質地又滑。至於羊肉呢，朋友就話係必食，因為佢嘅羊肉唔會太羶，同樣都係配薄餅一齊食。士多啤梨奶昔都幾好嘅，食完啲重口味嘅嘢飲杯奶昔清下個口。凍檸檬茶都冇乜得輸，就係咁就完結左我巴基斯坦之旅。