Noc Noc

Open Now

Now Closed

前幾日約左個好耐冇見既朋友食飯，難得大家都住大埔，緊係約返黎食。呢間餐廳一直都好想試，因為睇落好chill仲成日都好多人咁。我地係平日七點去都半滿，一坐低就叫左杯Mojito嘆下先，夠凍又夠味，我飲開酒既fd都話唔錯，之後有機會可以一班人黎飲野吹水。我地主食叫左個炸魚薯條，一黎到比佢嚇親，因為好大件份量足，食落皮脆肉滑，調味又岩岩好，絕對大推，當然冇辦法地第二日可能要飲涼茶。之後我地又叫左個黑松露大啡菇意大利飯，本身諗住叫個最平既飯應該冇咩期待，但一食真係有驚喜，黑松露味香濃又唔會太過火，意大利飯軟硬適中，白汁岩岩好包裹住飯粒，濃而不漏，仲有大大塊大啡菇，兩個人食都差唔多夠，正！