Video
Read full review
2020-08-22
456 views
呢度食泰國fusion菜，環境都好有fusion既感覺，地方大，似歐陸design，背景音樂有典雅感覺，完全唔似食泰國菜。食物同飲品都有好多選擇，甚至有好多cocktail，如果坐到圓枱卡廂位，同朋友傾下計飲下野，會好chill好舒服。今日黎既時候已經下午4點，所以仲有好多位。面對咁多選擇，真係好難揀。不過有朋友食過蒟蒻麵覺得好好食，所以係衝着呢個冬陰功煙三文魚溫泉蛋蒟蒻麵嚟嘅。呢款蒟蒻麵闊度較粗，似河粉，十分彈牙，口感好得意。蒟蒻麵低卡路里，好啱女士選擇。冬陰功味道較濃，都幾惹味。本身唔鍾意食紅椒嘅，但係炒得好香，配合其他配料，菇呀、蕃茄呀咁，都好好食。不過食唔出佢係煙三文魚，佢係細細塊熟既三文魚，比我想像中嘅唔同。呢道菜價錢偏貴。見比較多人推介芒果糯米飯，但有啲失望係個芒果係酸既，唔似泰國芒果，但同埋煉奶加甜嘅糯米飯食，係OK嘅。芒果都有少少香味，糯米飯比芒果好食，再加d脆脆，整體來講唔錯。比較推薦嘅係呢個香脆麥包。有巴馬臣芝士，牛油果醬，風乾火腿，風乾蕃茄，同埋火箭菜。一啖咬落去嘅口感令人非常享受，火箭菜好香唔苦，加埋好脆既麥包，真係好正，好值得試下。風乾火腿會偏鹹，要連埋d牛油
呢度食泰國fusion菜，環境都好有fusion既感覺，地方大，似歐陸design，背景音樂有典雅感覺，完全唔似食泰國菜。食物同飲品都有好多選擇，甚至有好多cocktail，如果坐到圓枱卡廂位，同朋友傾下計飲下野，會好chill好舒服。今日黎既時候已經下午4點，所以仲有好多位。
冬陰功煙三文魚溫泉蛋蒟蒻麵
$168
33 views
0 likes
0 comments
芒果糯米飯
$88
22 views
0 likes
0 comments
烤脆麥包
$78
14 views
0 likes
0 comments
下午茶餐會抵食啲。
抹茶脆脆奶昔
$78
20 views
0 likes
0 comments
呢間價錢偏貴，每份嘅份量唔算多，比較啱女士食。可能下午客比較少，地方又大，搵侍應會難d，同埋叫左佢都會等陣先黎，呢方面差少少。
Post
