帝廷酒家 (Closed)

中午來飲茶，叫左菠蘿雞粒炒飯，蠔仔泡飯，油菜同埋鮮竹卷ORDER完唔夠3分鐘碟炒飯就來到，一睇就知係一早已經炒定一大鑊，有單就"畢"出來的，無味道、唔香、唔乾身，飯粒無口感，咁既質素仲要收人地40蚊一碟!! 好難食，唯有同自己講，呢D大鑊飯反而少油D，健康D啦。蠔仔泡飯入面D蠔仔又細粒，又少，泡飯個湯太咸同埋多味精。一般酒樓的鮮竹卷都係先炸後炆番佢，呢度個鮮竹卷係無炸過的，係健康D不過唔好味囉。酒樓個廁所用左D好臭既清潔劑，去完出來暈暈地，廁所門口有幾張枱坐左人，都唔知佢地點忍受到由廁所攻出來的清潔劑味道。