Simply Bread (Closed)

Simply bread開既時候有唔少宣傳,話包款有幾多幾特別,仲話係全港首間bread boutique,但係愈做愈差,價錢又set得貴,我琴日食左佢兩款包,覺得仲差過一般bakery,相當唔掂!先食一個叫芝士菠菠既包,一條長形,以四個小小既圓形好似波波咁既包組成,包上面有芝士同埋菠菜碎,雖然菠菜碎幾多,但係味道淡,而芝士則只係油而唔香濃,根本唔好味!再食一個由三個小包組成既包,品字形咁,已經唔記得個名,原來一個個餡係紅豆,面頭有芝麻,不過紅豆只係一pst野,無紅豆粒既,但已經係成個包最好味既一部分,另一球係吉士餡,得個甜字味道比唔上美心既雪果拿破崙既吉士,唔係同一集團既咩?點解差咁遠?最後一球係朱古力醬餡,包面係朱古力碎,普普通通,ok而已,絶無驚喜,又係好甜咁囉!唔可以話好味!唔好味都算,只要唔難食都得—如果係平既話!以佢既價錢,一d都唔值!唔打算再幫襯!