笑笑居樂屋 (Closed)

瓊華出面D廣告牌見到有日本菜, 就即興想試下。以前食過dinner都唔太差, 價錢中等。原來lunch有discount。最平既餐只係＄３０，menu壽司拼盤有半價, lunch set就7折，估唔到咁平。Ｄ平餐個賣相唔太吸引，叫左雜錦魚生飯，有３款唔同價錢，試個平平地＄５９，包埋野飲同味噌湯。張相明明好多三文魚刺身，點知黎到得兩塊。重有兩隻好細既甜蝦，一塊吞拿魚同一塊唔知咩魚。個魚刺身竟然有骨　除左個三文魚勉強接受到之外，其他都真係幾差。豉油好咸份量ＯＫ啦，可以多返Ｄ。咁既價錢食日本野都係唔好咁大期望。