R&B (Closed)

本身一行三女訂左附近另一間餐廳食果醬，點知食唔到😑唯有揾過間食飯啦，就腳經過R&B記得之前夜晚食過都幾好就呢間啦！ 入到去陽光照射下周圍環更舒服開揚。星期六尖沙咀唔洗訂枱唔洗等感覺超好，坐低睇個menu 我地分別叫左墨西哥芝士烤粟米😍 芝士烤得好香同甜粟米一齊味道好夾 我好鐘意。Carbonara pie😊 勁濃郁芝士牛油同cream 好食但太多會有D膩同一定要襯熱食。Bacon steak & egg🤤呢個係最驚喜，條厚煙肉睇落好肥下但出奇地好好食，入口係爽而不膩仲帶點香甜，同個waffle 都做得好好食，無得輸。講真今次整體印象真係比上一次夜晚黎食好好多。