La Bons Brasserie (Moved) New Location

硬身餐飽：一直好欣賞呢度既餐飽，又有麥味香噴噴、且又外脆內軟；但呢餐不再，有d可惜。西蘭花濃湯：有dd失望，個湯唔係好差，但確係比以前做得無甘好，總之我食唔到佢係濃湯…日本鎗魚柳配檸檬酸汁飯：鎗魚柳肉質夠滑、但唔夠爽口，好欣賞個汁！其實個汁 / 製法係有名堂，但我忙記左…酸汁係由檸檬汁、soul cream同香草製成，口味清新，同魚好夾！如果加d檸檬皮，令個檸檬味更出會仲正！！三文魚、德國腸茄汁意粉：意粉較硬、茄汁係較外國口味既製法，偏酸同帶唔出茄香。無特別。心太軟：坦白講，我未食到個令我滿意既心太軟。我同朋友好好彩，每次食既都係軟心，漏晒朱古力醬既心太軟，但呢度既同我出面食既心太軟一樣，朱古力都係有陣燶燶地既味！當然唔係真係焗燶左，而係個不知名因素，令個朱古力醬有燶味！總括而言：搬新鋪後，食物水準稍為下降。但服務持續良好！ 幸好每次驚喜比失望多！