拱照車仔麵 (Closed)

呢間野係香港仔好多年，辣汁出名，車仔麵配料做得唔錯，今次介紹下。今次試個咩都有既大雜會面$47包凍飲。賣相討好而且size夠睇頭，有街坊風味。凍奶茶係包左既，47蚊大大碗包凍飲絕對合理價，唔會話唔抵食。不過幾平都好，難食就係死罪，幾平都冇x用，即刻講下好唔好食先。蘿白冇渣清甜，唔錯大腸入味爽滑，完全唔肥，推介！紅腸比普通燒味檔好食，肉較彈，試過就知。雞尖滑，屬清淡型，要入味濃味者不推介！魚蛋有魚味，煙韌型非彈牙型，睇個人口味。魚片一樣，非彈牙型，要爽彈者不推介！豬皮其實好味，可惜叫左少辣，如果唔係會好好多。齊都一樣，好味既，唔夠汁啫。湯底同麵底就正常出品，冇特別。最推介係辣汁，靈魂所在，香辣野味，推介多汁！總結來說，街坊風味濃，好食既，平有平食貴有貴食，平食30零蚊都有，可以一試既小店。