Video
Read full review
2017-01-19
337 views
入到嚟西貢，好多人會自然諗起海鮮，又或者去食海南雞飯、車仔麵....等等，今次想同大家介紹一下呢間「全記小店」，它嘅出品，有質素、有誠意！🙂🙂話說有次星期日嚟到西貢，周圍人頭湧湧，求其搵間食店食d嘢就閃，於是就第一次嚟全記，見到下午茶餐都唔平，但好多選擇，傳統炒粉面飯、到喇沙、冬陰公、常餐....乜都有，而且仲寫住咖啡係「檀島咖啡」，啱哂口味👍🏻👍🏻自始，得閒入開西貢它就係不二之選😛海鮮喇沙已經食過好幾次，次次都煮出水準，無甩拖之作。海鮮，一流，係其他地方無食過用上新鮮料作餸，而只需$36(假日$40)嘅喇沙😍😍蝦唔會苦，肉質新鮮；魚，厚切，啖啖肉；鮮魷魚，配上喇沙湯，正；青口，新鮮就好味！湯底，唔使多講，少少辣，好味正宗！咖啡，凍飲更加好味，鍾意它夠啡味唔重奶味，但都沖出順滑口感，加$3蚊都抵飲！
話說有次星期日嚟到西貢，周圍人頭湧湧，求其搵間食店食d嘢就閃，於是就第一次嚟全記，見到下午茶餐都唔平，但好多選擇，傳統炒粉面飯、到喇沙、冬陰公、常餐....乜都有，而且仲寫住咖啡係「檀島咖啡」，啱哂口味👍🏻👍🏻自始，得閒入開西貢它就係不二之選😛
海鮮喇沙已經食過好幾次，次次都煮出水準，無甩拖之作。
海鮮，一流，係其他地方無食過用上新鮮料作餸，而只需$36(假日$40)嘅喇沙😍😍蝦唔會苦，肉質新鮮；魚，厚切，啖啖肉；鮮魷魚，配上喇沙湯，正；青口，新鮮就好味！
湯底，唔使多講，少少辣，好味正宗！
咖啡，凍飲更加好味，鍾意它夠啡味唔重奶味，但都沖出順滑口感，加$3蚊都抵飲！
Post
