傳點心意 (Closed)

之前老婆大人上網見到元朗有間小店食大大隻小籠包，於是我地又去做搵食飯團。其實食唔出紫薯味，好在味道不是太甜。一見到個賣相就知係麻辣版嘅粉果，但最奇怪的事發生了，叫麻辣餃居然唔辣，仲甜甜地。不過我又唔可以話難食，可能我比較喜歡吃甜野。唔係蒸到淋晒嘅鳳爪，有點咬口。蒸得都算嫩滑，如果有豆鼓一齊蒸會更好。唔係整到d肉梅晒，食落頗彈牙。大件夾抵食嘅籠仔蒸飯，足足有五碗仔嘅份量。用雞絲嘅好處係一定夠嫩滑，淋埋豉油更加香。最後要介紹下個吮吮包。無錯！真係要用筒吮嘅。湯汁好濃，吮晒d湯汁再食個包。雖然無晒湯汁，不過肉餡味道多濃，建議點醋食中和油膩感。其實以點心店黎講，價錢算合埋，食物質素合格。推介係個吮吮包！