759雲吞麵 (Closed)

尋日同女朋友去左試，真心相信佢係良心食肆，真心相信一分錢一分貨。最後，我夠膽講，食大快活都好過佢。話說本身同女朋友等緊枱既時候都已經諗緊食咩。認真，因為相信佢係想拎真本事服務大眾，所以佢任何員工態度丫，坐位間隔我都冇理過，只係抱住一個專食雲吞面既食店到食野。雖然十二點半，但都等得唔算耐，入緊去果時見到其他食客，又食緊巴基咩咩咖哩牛腩飯。心諗，色水幾好，又好似有料到，所以唔理啦，五十蚊一蝶我都冇猶豫過。到女朋友揀，真係唔洗講野，唔食招牌雲吞面我地入黎做咩丫？！三十蚊一蝶令我好期待。之後女友話想飲野，十蚊一杯紅豆冰，我都冇猶豫過。九十蚊既單放係我面前，點會知係我打呢個食評既伏線。野食好快黎，我一夾舊牛腩就知，唔係ma???硬到咁既？！係咪想我砌磚丫。諗住做人唔睇外表，食野唔外表既我一咬舊磚。唉，咪又比人玩你班貪新鮮既香港人，佢啲咖哩睇落色水靚，但真係得色水靚。根本冇咖哩味，如果你話咁樣五十蚊，我寧願貼多少少去旺角食，(好食既咖哩丫！好好味既咖哩丫！)大佬丫。啲咖哩仲要似係一早煲，再後加舊磚(牛腩)撈埋一蝶，仲衰過碟頭飯。到我女朋友既雲吞面黎左，五粒雲吞，一個幼面。一睇個面，心諗，不是ma。