唐記包點 (港鐵火炭站)

Open Now

Now Closed

呢間唐記其實都係香港開左好鬼耐, 除左有包, 又有飯同點心食。我通常早餐會買包, 晚上趕時間就會買個飯番屋, 又平又快手咁解決一個晚飯需求, 最緊要又唔會唔好食。今次放假又唔想走太遠食, 所以懶落去樓下地鐵站買唐記打算省下錢, 沒計, 糧尾嘛仲要買埋比屋企人唔計住就會大出血。落到去因為都未到放飯時間, 人唔係好多,  所以我先敢自己帶飯盒落去, 始終少些浪費為地球出一分力。好在店既員工都唔會嫌麻煩, 配合我用我自備既飯盒幫忙為省飯盒出一分力~首先要填飽肚梗係要叫飯啦~北菇雞飯, 飯既料都唔少, 北菇都幾淋物, 都入味下。雞都不錯,  整體來講以27蚊既價, 係好抵同質素都可以。另一個係鼓椒排骨飯, 都係27蚊, 呢個就正啦, 係我最中意叫既飯~ 排肺肥瘦不錯又夠味, 配飯好好送。幾開胃下。因為同屋企人食, 都叫左3款點心, 有燒賣, 鵪鶉蛋燒賣同埋雞扎, 燒賣兩款都唔錯, 同普遍酒樓差不多質素, 另外雞扎都好夠料, 講真可以咁方便外賣價錢又唔貴, 好岩又想快又想唔貴既香港人, 大家都知香港地咩都貴, 有呢種咁既店真係好好。