坤記牛腩 (Closed)

對上一次去九龍城可能係十年前喇~ 平時好少機會去呢一區~ 畢竟又唔係住個到，又唔係個到做野，交通又唔係太方便，所以約朋友食飯都唔會特登約佢呢區，就算佢出名泰國菜都係咁話~但最近收到風，原來九龍城變左好多喇~~ 多元化左好多，食物種類愈黎愈多，就黎變成美食特區! 講到咁誇，就興起問下住係九龍城既表妹有無咩好推介，順便敘下舊啦~傾下傾下, 佢介紹左間飯堂~ 話平時放工屋企無煮飯都會去呢間食飯~佢就係 坤 記 牛 腩 喇~~~!!! 唔好以為佢係普通粉麵店~ 表妹話佢D 牛腩係世界級，其他地方食唔到架!我唔想食平時食開既湯粉，望望下餐牌，見到佢竟然有咖喱牛腩撈粗麵!!! 我真係未食過咁既COMBINATION啊!!!! 好期待!一黎到就聞到咖喱香味，食落好香濃，唔算好辣，個份量多到撈完麵都啖啖咖喱! 好正啊>< 牛腩就好瘦~完全唔肥，本身都已經好入味，好易咬開，配合埋咖喱又出奇地夾! 好驚喜啊~~齋食麵咁DRY~我地就叫埋個油菜啦~ 菜心香甜，一D都唔苦，好爽口~ 一啖牛腩一啖菜，都唔錯啊!! 下次再黎搵表妹既話要試埋湯粉先~