一盅點聚 (Closed)

其實除咗茶樓可以飲茶，都開咗唔少嘅點心專門店無論幾多點都可以去食點心。 呢間位於長沙灣嘅一盅點聚，平時經過都見到。今日就入咗去食😂，由於時間尚早唔算好多人。但都好多人叫外賣。我哋兩個人叫咗都唔少嘢食，都唔算太貴。叫左個燉湯都幾足料。炸春卷同埋個千島海鮮醬嘅蘿蔔糕。食得出真係即炸好香口，味道唔錯。章魚肉餅飯，份量適中，如果章魚再多啲就好啦。小籠包同燒賣就正常嘢冇話太大特別。再叫咗個蒜蓉蒸排骨份量都幾多。唔知有冇人同我一樣都好鍾意食呢個黑糖蜂巢糕。每次見到一定叫😍