百好咖啡餅店 (Closed)

去東龍島搭船前，先o黎食個早餐。門口唔似舊式茶餐廳，原來舖內真係好懷舊，好似睇粵語殘片6、70年代的冰廳，好有特色。早餐有餐包、炒蛋或煎蛋及火腿通粉，餐包是好傳統的，包身較重、顏色比較深，雖然唔係新鮮出爐，但仍然食得出好重牛油味，味道夠香。炒蛋好過煎蛋，炒得好滑，可惜勁多油。而火腿通粉幾有水準，通粉好彈牙有咬口，唔似一般舊式茶記，煮到淋pat pat。奶茶好濃好夠茶味，老公讚唔錯。