首爾石鍋燒 (Closed)

朋友比左兩張 $30 coupon我，寫住消費 $200 可以用兩張，好似都幾抵下，甘我就同男朋友過來試下啦。我地叫左個一人餐 （$89)，有個頭盤 － 螺肉沙律， 主菜揀左鶏肉石鍋飯，餐飲叫左冰紅茶，另外散叫左個, 另加杯冰紅茶 （$9)螺肉沙律原來系上面系螺肉，有d似甜甜地的日式螺肉，下面系辣泡菜。這個頭盤都幾特別，味道比較複雜，有點辣有點甜，都幾開胃。鶏肉石頭飯味道唔錯，鶏肉和配料分量很多，有只生雞蛋，撈埋一起都幾香。味道偏淡，要加檯上個支韓國辣醬一齊撈埋先夠味。支辣醬我落左唔少，因爲我都食得下辣，落多d就好味d！辣炒年糕個年糕都幾煙嗯，有其它配菜同埋韓國魚片炒埋一齊，分量唔少，很飽下。個醬偏辣，如果個醬甜d就好喇。烤肉炒烏冬配雞串,上檯時好香好熱，睇得出係即炒的，有鑊氣，好香！烏冬都幾彈牙，有口感，烤肉味道也唔錯，雞肉串有兩串，味道有點鹹。對於一直喜歡炒烏冬嘅我，整體味道有80分！埋單本來超過 $200，因為用左兩張 coupon 減左 $60， net 係 $174! 叫左咁多野食重有兩杯野，我真心覺得好扺食！d侍應再送多張 coupon 話比我下次再消費