Video
Read full review
2018-06-26
133 views
世界盃舉行期間，朋友話想一路食火鍋一路睇波。 約了在佐敦放工後打邊爐。 佐敦美食選擇唔少，今晚決定去寶哥火鍋味館。 任食火鍋價錢$238， 最啱三五知己無顧慮喪飲喪食。 先來的是每位上的刺身拼盤。 帶子鮮甜， 翡翠螺估唔到又爽又鮮甜冇腥味冇沙。 仲有兩片和牛刺身，油花甘香帶甜味， 個拼盤簡單得嚟都用料上乘!火鍋湯底都有唔少選擇。 我們選了"猴頭菇鯊魚骨湯"。 猴頭菇煲湯好鬼甜又滋潤， 湯料極之豐富， 先試湯底清甜無比。火鍋配料都是任點任吃。 海鮮部份每位上。 二人份量都唔少。 海蝦鮮甜彈牙， 龍躉片厚切， 魚皮超煙韌充滿膠質， 正嘢嚟! 生蠔質素也不錯。 鮑魚也算洗刷得乾淨， 淥完之後也軟腍鮮甜。 最正係貴妃蚌， 極之鮮甜，新鮮貨色絕無花假!刷完一輪海鮮 又試其他火鍋配料。任食套餐還包括牛峰肉。 牛峰肉部位呈深紅色， 唔算太多脂肪， 有咬口得嚟唔係韌嗰種， 牛味很重， 我們讚不絕口。 另一款也適合牛痴们--牛坑腩。 牛坑腩淥耐咗都唔覺得韌， 筋和腩相間， 口感軟腍又有牛味。唯山筋比較鹹。 試了三款自家製手打丸。 其中有款豬肉丸， 好有彈性，肉味濃。 就像食緊手剁肉餅。 另外一款手打鯪魚
世界盃舉行期間，朋友話想一路食火鍋一路睇波。 約了在佐敦放工後打邊爐。 佐敦美食選擇唔少，今晚決定去寶哥火鍋味館。 任食火鍋價錢$238， 最啱三五知己無顧慮喪飲喪食。
先來的是每位上的刺身拼盤。 帶子鮮甜， 翡翠螺估唔到又爽又鮮甜冇腥味冇沙。 仲有兩片和牛刺身，油花甘香帶甜味， 個拼盤簡單得嚟都用料上乘!
火鍋湯底都有唔少選擇。 我們選了"猴頭菇鯊魚骨湯"。 猴頭菇煲湯好鬼甜又滋潤， 湯料極之豐富， 先試湯底清甜無比。
火鍋配料都是任點任吃。 海鮮部份每位上。 二人份量都唔少。 海蝦鮮甜彈牙， 龍躉片厚切， 魚皮超煙韌充滿膠質， 正嘢嚟! 生蠔質素也不錯。 鮑魚也算洗刷得乾淨， 淥完之後也軟腍鮮甜。 最正係貴妃蚌， 極之鮮甜，新鮮貨色絕無花假!
刷完一輪海鮮 又試其他火鍋配料。
牛峰肉
6 views
0 likes
0 comments
牛坑腩
15 views
0 likes
0 comments
任食套餐還包括牛峰肉。 牛峰肉部位呈深紅色， 唔算太多脂肪， 有咬口得嚟唔係韌嗰種， 牛味很重， 我們讚不絕口。 另一款也適合牛痴们--牛坑腩。 牛坑腩淥耐咗都唔覺得韌， 筋和腩相間， 口感軟腍又有牛味。唯山筋比較鹹。
試了三款自家製手打丸。 其中有款豬肉丸， 好有彈性，肉味濃。 就像食緊手剁肉餅。 另外一款手打鯪魚肉丸味道比較濃，但仍有果皮香。
荔芋片 午餐肉
4 views
0 likes
0 comments
值得一讚荔芋片好香軟， 粉粉地充滿芋香。 午餐肉也是高質素那款， 唔係得啖粉。
白鱔片
6 views
0 likes
0 comments
另一推介是白鱔片， 肥美結實， 沒有留下細骨 ， 極之鮮甜。
5 views
0 likes
0 comments
蔬菜嫩綠， 竟然有我最愛的皇帝菜 ，同樣 翠綠清甜， 稍為淥吓便吃出菜的原始清甜味。 還有番薯葉。 聽聞好有益， 咀嚼完菜味之後有番薯的回甘味，很有趣。
羊肉選用了山東羔羊， 薄薄一片羊味非常之濃郁。 啱曬我喜歡吃羊的朋友。
這裏連魚卜都有，很特別， 都幾新鮮唔腥喎。
我們也是了一些豬紅和紐西蘭鴨紅。 紐西蘭鴨紅真的從未試過， 柔軟得來唔容易散開。 自家製水餃也做得唔錯， 脹卜卜的餡料混入調味適中的肉餡和木耳絲。
竹笙也很推介，吸湯能力好高，爽爽哋 口感一流。
還有一款叫"必試魚蛋"。 話明必試應該都很有信心， 冇可能唔試。 果然又爽又彈， 可能加入豆腐又有點滑， 介乎魚蛋和魚腐之間。
此店的響鈴和魚皮都做得唔錯。 響鈴酥脆香口。 魚皮並不是零食級， 又厚又大塊， 感受到脆皮中間的魚皮香。
還試了豬肺和黃沙豬潤。 豬肺需要放湯一會。 黃沙豬潤側要盡快撈起 起。 有款黑豚肉 應該是醃製過，非常厚切， 一點也不韌。
飲品方面汽水啤酒都是任飲。 我們要了一瓶甘蔗水。 都是自家製作， 健康解渴，唔會太甜，正!
打邊爐梗唔少得汽水， 這裡還提供支裝可樂夠曬氣夠曬冰凍，勁正!
我們一路吃一路都有驚喜， 火鍋配料特別得嚟款款都高質素有睇頭， 一路飲嘢一路烚下烚下睇世界盃，勁爽!
雖然提及過很多好嘢食，不過我哋都未能逐一 試勻， 實在太豐富了。 餐廳還有 獨立的vip房和間隔， 適合一衆好友私密聚會。
Post
