薩莉亞意式餐廳 (中染新城) (Closed)

11點半去食晏，由於很早，大把位任揀。呢間分店無其他分店咁大，但因為新開唔夠一年，好新淨。牆掛左d畫，有外國feel。兩個人，叫左兩個set lunch，每個套餐加5元有蒜蓉包。一個餐係焗通管粉，一個餐係鐵板餐。蒜蓉包熱辣辣，面有少少燶，但好香，包好軟熟通管粉多汁，粉上既芝士烘到燶燶地，好好味鐵板餐揀左雞扒，但包括香腸、炸雞塊、薯角同粟米，夠熱。燒汁甜甜的也不錯。跟餐有白飯。抵（如果單叫，白飯要加6元）自助飲品吧，任飲。latte夠香，朱古力咖啡似乎較甜。唔鍾意甜既，可以揀黑咖啡。其他仲有美錄，同朱古力，但兩者味道有點相似。凍飲有各式汽水、道地綠茶同檸檬茶。檸檬茶好甜，好似紙包果d 。其他無試過。食到好飽，每人49元，一d都唔貴。