Video
Read full review
2021-09-16
28 views
印象中好似冇去過新蒲崗食飯，今日同老公去附近拎完嘢，見到呢間鋪頭menu有個雞白湯酸菜魚好似幾吸引就決定試下😛間餐廳都幾闊落， 即使有其他客人食緊烤魚都唔會覺得好焗促好大陣味👍🏻一睇個menu，原來除咗酸菜魚，烤魚，仲有串燒，泰國菜同埋其他小炒菜式。雖然有啲花多眼亂，但因為我今晚淨係想食魚，所以都係嗌咗唔同嘅魚菜式。椒鹽九肚魚🐟💥超耐冇食呢個小菜， 因為唔係度度都有得食。😛雖然佢係炸物，但係佢嘅炸粉夠薄，所以一食落去 帶點香脆，魚肉好滑好新鮮， 炸九肚魚果然係帶出佢魚肉嫩滑嘅最佳方法🤤 調味好夠，而我最鍾意夾埋芫茜一齊食，因為可以減少罪惡感🤣白鱔，牛舌，雞翼串燒🐟🍢牛舌厚切幾好味，有咬口雞翼串燒好惹味，係三隻原隻雞翼唔係單骨🤣👍🏻白鱔串燒真係好好食👍🏻👍🏻，白鱔好夠肥美，啖啖肉，燒到外脆內軟，非常邪惡 （ 老公唔食鱔都畀我sell到忍唔住食咗一嚿😝）食炸嘢同串燒點可以冇啤酒😎🍻 我自己就嗌咗酸梅汁🥰雞白湯酸菜魚🐟🌶️一上臺真係畀佢嚇親，估唔到二人份係咁大盤😲 呢個酸菜魚絕對對得住佢嘅價錢😲每塊魚肉厚薄適中，而且好大塊啖啖肉， 最正係食咗咁多塊都冇骨🤤👍🏻 我哋嗌咗小辣，我覺得辣度啱啱好，
間餐廳都幾闊落， 即使有其他客人食緊烤魚都唔會覺得好焗促好大陣味👍🏻
一睇個menu，原來除咗酸菜魚，烤魚，仲有串燒，泰國菜同埋其他小炒菜式。
雖然有啲花多眼亂，但因為我今晚淨係想食魚，所以都係嗌咗唔同嘅魚菜式。
椒鹽九肚魚🐟💥
超耐冇食呢個小菜， 因為唔係度度都有得食。😛
雖然佢係炸物，但係佢嘅炸粉夠薄，所以一食落去 帶點香脆，魚肉好滑好新鮮， 炸九肚魚果然係帶出佢魚肉嫩滑嘅最佳方法🤤 調味好夠，而我最鍾意夾埋芫茜一齊食，因為可以減少罪惡感🤣
白鱔，牛舌，雞翼串燒🐟🍢
牛舌厚切幾好味，有咬口
雞翼串燒好惹味，係三隻原隻雞翼唔係單骨🤣👍🏻
白鱔串燒真係好好食👍🏻👍🏻，白鱔好夠肥美，啖啖肉，燒到外脆內軟，非常邪惡 （ 老公唔食鱔都畀我sell到忍唔住食咗一嚿😝）
食炸嘢同串燒點可以冇啤酒😎🍻 我自己就嗌咗酸梅汁🥰
雞白湯酸菜魚🐟🌶️
一上臺真係畀佢嚇親，估唔到二人份係咁大盤😲 呢個酸菜魚絕對對得住佢嘅價錢😲每塊魚肉厚薄適中，而且好大塊啖啖肉， 最正係食咗咁多塊都冇骨🤤👍🏻
我哋嗌咗小辣，我覺得辣度啱啱好，唔會食得太辛苦但係又可以食到濃沃嘅雞白湯味道👍🏻
酸菜份量亦都絕不欺場，忍唔住嗌咗碗飯送酸菜食😂
涼瓜炒牛肉🐂
因為我地本身以為只係普通小菜一個無咩期望， 點知超有驚喜😳
佢啲苦瓜超好食， 應該係飛過水先炒，軟硬適中又爽又帶甘甜😍厲害🤔👍🏻牛肉都滑👍🏻
食完呢餐飯我同老公都好讚嘆點解呢間舖頭可以搞咁多瓣，但係每一樣都咁好食😲🙏🏻下次嚟試下佢啲泰國嘢先😛
Post
