狂野麻神麻辣火鍋 (Closed)

好耐冇打邊爐啦，上個星期日就同朋友揀咗呢間尖沙咀嘅火鍋店食嘢，真係好抵食呀我哋叫咗一個【精緻親民套餐 】每位都係$288。湯底方面最鍾意食辣嘅我哋就揀咗麻神麻辣湯，佢辣度對我哋來講啱啱好，辣得嚟又唔會話辣到個嘴打唔開，同埋佢哋嘅湯底都唔會話好油，平時食嗰啲麻辣湯一定都係油淋淋，呢到就唔會！值得一讚。佢哋有好多唔同嘅配菜，但最值得一提嘅就係佢牛肉盛同海鮮盛合。牛肉盛有齊哂牛頸脊、牛小排、牛胸爽、牛根膜同一口牛，岩哂鐘意食牛嘅我，我最鍾意牛小排，牛小排油花分佈均勻，入口柔軟，好入味。而海鮮盛合啲海鮮都好新鮮，最鐘意食鮑魚，勁好咬口又鮮甜。