禾牛薈火煱館 (金馬倫道)

Open Now

Now Closed

Ot 到死死下，為左獎勵自己，今晚要要食番餐好！我地左揀右揀，揀左個珍寶豬骨煲湯底聞落已經好香，有粟米，菜，豬骨，蕃茄同埋少少辣椒黑椒湯底有濃濃的豬骨味，冇味精，好甜，好好味！💝極品特級手切肥牛 $ 338個個見到都嘩嘩聲D牛牛好靚，仲好多雪花，入口半溶，不會太肥膩，肉質好軟，一d都唔鞋口，我地對呢碟肥牛真係好驚喜！💝台灣鴨紅 $68平時都係食豬血，今次都係第一次食鴨紅。感覺上同豬紅都冇乜分別，質感都滑，冇醒味，好似食豆腐咁，好好味💝魚皮餃細細個就鍾意食魚皮餃呢個魚皮餃，皮薄餡靚，魚肉裡好有鮮味，而且仲好多魚肉，而塊皮都好好味，好滑，一啲都唔粉！💝只滾1分鐘的水晶粉我哋好緊張咁計住時，夠1分鐘就即刻夾上嚟！水晶粉晶瑩剔透，非常爽口而且十分彈牙！索埋啲湯底，好正💝三色水晶包最後甜品！有叉燒，香芋，奶黃😍，我揀左粒奶黃味，好似奶黃湯圓咁，但係啲奶黃係流沙咁流出嚟，真係好正好好味！但食嘅時候要小心因為始終裏面都好熱！