燒肉ONE

Open Now

Now Closed

呢間開咗冇幾耐嘅銅鑼灣燒肉店係一人一爐形式嘅，而且仲有超級多午市套餐同埋全日套餐，價錢好商宜😯。 枱上面嘅轉盤有十幾款燒肉醬汁同埋唔同味道嘅鹽，第一次嚟緊係全部都要試一試啦😂。我覺得柚子鹽同抹茶鹽味道好突出，另外醬汁方面，就最中意黃色樽嘅蒜蓉醬☺️。 ❤美國牛小排+美國牛板腱套餐牛小排同牛板腱嘅配搭都幾夾， 一款係油脂豐富啲、厚肉少少嘅，一款就係瘦肉比例較多同埋薄啲嘅。 我自己就覺得牛板腱嘅牛肉味道比較突出，而且好有咬口 ，點任何醬汁都好好味好送飯， 所以仲跟套餐半價嗌多咗份牛板腱😋。 ❤日本A4和牛三角肉套餐呢款肉每邊燒幾秒已經好滑好肥美，同美國牛質感完全唔一樣，鐘意和牛滑溜同入口即溶嘅感覺的話，一定要試下👍。另外，跟餐可以揀紫菜飯或者溫泉蛋紫菜飯，飯係用左日本珍珠米，特別好食😚。 ❤ 日本甲羅燒蟹膏味道好香好濃郁，而且入面有好多蟹肉絲，49蚊真係好抵食😍。 ❤ 彩虹帶子嗌左兩隻帶子，d殼真係彩虹色架🤩，原來係天然嘅色水，帶子好新鮮，唔需要加任何醬汁，燒熟之後已經又厚肉又鮮甜😋。