Outback Steakhouse (奧海城二期)

Open Now

Now Closed

同老公拍拖拖行到去奧海城嘅outback,望下個餐牌幾吸引， 就決定喺度Tea一tea.打開餐牌二話不說揀咗一香辣炸雞鎚，跟住係豬肋骨同雞肉夾餅之間掙扎一輪後，最尾都係揀咗雞肉夾餅。可能今日都比較多人，叫完嘢食後都要等一段時間，好彩追加左個黑糖麵包，有嘢可以頂住肚先。呢個咁受歡迎嘅黑糖麵包都唔需要多介紹，我老公最鍾意食，轉眼間已經比佢K.O.左。再等多一陣個雞鎚就黎，可惜到既時候只係微暖，平時熱辣辣嘅話再點埋個芝士醬汁，簡直係魔鬼嘅誘惑，食極唔停，但係而家凍左就真係大打折扣⋯好彩芝士雞肉夾餅仍然保持水準，一碟有四片夾餅，切開半溶嘅芝士做到拉絲效果，啖啖雞肉，配埋佢嘅蜜糖芥茉醬，真係好好味！ 伴碟仲有一籃炸薯條🍟同醋油浸過嘅蕃茄仔，特別醒胃！隨餐仲有飲品，兩個人食百幾蚊，搞到我晚飯都爭啲食唔落，呢個下午茶的確係性價比高！比個貼士大家，想嚟食嘅朋友仔注意呢度比較多人，如果正正三點嚟，需要等一段時間，唔想等嘅朋友可以早啲排隊或者遲啲先入座。