一本鐵板燒日本料理 (Closed)

今日朝早係鑽石山打完波，就搭反去河文田站再等下晝反理工上堂，上堂先想食個飯先。行過橫跨漆咸道北嘅天橋，就見到依間「一本日本料理」，聽同學講過係附近必食之一，就入去食下。入到去環境唔錯，好有日本feel。望望餐牌，嘩！超抵午市套餐竟然只係25蚊！仲平過學飯唔少嘅野食。個套餐有鹽燒三文魚骨、沙嗲牛肉竹筒飯、日式菜湯同青芥三文魚壽司兩件。鹽燒三文魚骨真係燒得唔錯，好香好入味，唔會太咸。至於三文魚竹筒飯就okay啦，因為無咩味，不過油份適中，都幾健康嘅。日式菜湯都幾好，係有少少咸但好入味，飲完又唔會有味精口渴感。青芥三文魚壽司就真係唔錯。雖然唔係得預想中有三文魚刺身係面個種，但食落味道真係唔錯，青芥味道濃郁、與三文魚醬混為一體，口感亦好好，為依個套餐加分。