麵屋豚豚拍子 x 辛味屋 (Closed)

呢日同朋友去將軍澳新都城行街 Shopping，行完街之後見肚餓，於是搵個地方食 Tea，原本想食嗰兩間落場，於是就試吓呢間日式拉麵店，真係好抵食喎！有下午茶套餐，只係四十幾蚊，計埋加一，兩個人食，埋單都係一舊水左右，仲唔抵？而且埋單仲可以用 H Coin，即係平時响商場消費儲落嘅積分，可以當現金用，就係咁呢餐埋單唔使錢。今次食咗 赤豚拉麵（$48），係有啲辣嘅，不過麵質都算幾好，幾彈牙，都算合格嘅。另外又叫咗個 漢堡扒定食（$45），呢個 Set 味道就真係麻麻啦，漢堡冇乜肉味。整體嚟講，今餐只能夠算係 Food Plaza 水平，唔算特別好食，再加上職員落晒場，飲品等咗好耐都未出，扣分！不過勝在夠平，都可以接受嘅。