皇后冰廳 (Closed)

餐廳嘅名字非常出眾，唔知食物又係唔係呢？！不過價錢就絕對係平民都負擔得起！千島燒雞田園沙律 侍應好好咁幫我將醬汁分開上，對於我呢啲驚肥人士嚟講，真係好貼心。燒雞嘅皮好脆好香，肉質都幾滑！一口西西里牛肉配飯 西西里汁原來係酸酸甜甜架，有紅蘿蔔同腸仔。牛肉已經好冧，一咬就知啦，吸晒啲醬汁嘅精華。配飯食真係好夾。香草忌廉焗龍脷通心粉一上枱冒晒煙，熱辣辣。忌廉汁同芝士一齊係無敵嘅，通心粉掛汁，好好味。龍脷柳好滑，加上有醬汁，絕對好味！雙重芝士漢堡漢堡包以黑炭芝麻包為基底，包身好香，有陣陣芝麻香，加上烘得夠脆，外脆內軟。漢堡係流心，一切開就有芝士醬流出，好吸引！仲有雙色薯條添，我哋都清晒呀。