Video
Read full review
2018-05-29
70 views
呢日同朋友喺旺角傾完嘢忽然想食放題，喺兆萬樓下見到呢間嘅poster價錢好抵食，Open Rice上面又有好多好評今次就一於揀呢度幫襯下。餐廳掛滿日本風格的旗幟，牆上亦畫左日本風格嘅壁畫，主題鮮明。憑傳單入座可以喺生蠔刺身、日本海膽、特選雪糕中三選一，我哋都係海膽控，當然揀海膽啦！海膽新鮮唔腥、入口即化、味道濃郁!由A - R，一共有十幾大類食物可以揀我同朋友都好鐘意食刺身，今次當然唔例外，叫左十幾款刺身一大盤，帶子、鮑魚片、虎蝦、甜蝦、松葉蟹棒、北寄貝、希靈魚……等等，其中嘅帶子非常鮮甜、松葉蟹棒爽甜有蟹味、虎蝦爽甜彈牙，款款都好新鮮，真係食呢個刺身盤都夠回本，迷你軟殼蟹手卷，軟殼蟹鬆化加上脆口的紫菜，好味！溫室bb露筍天婦羅同溫室南瓜天婦羅嘅炸醬都好鬆脆，食落唔會油膩。芝麻海哲，酸酸味味充滿芝麻香，口感爽口彈牙，食完天婦羅食呢個刺激下味蕾又可以再戰江湖。日本七味雞軟骨粒，爽脆得嚟辣辣地，食下一粒食下一粒，不知不覺就KO晒成兜了。鹽燒鯖魚，魚皮燒到好香口，魚肉juicy又唔腥，好味！鹽燒牛舌，表面脆口，入面嫩滑好夠牛味，讚！有好多款飲品、甜品任食，仲有兩款榴蓮味嘅雪條任食，身為榴蓮控
餐廳掛滿日本風格的旗幟，牆上亦畫左日本風格嘅壁畫，主題鮮明。
憑傳單入座可以喺生蠔刺身、日本海膽、特選雪糕中三選一，我哋都係海膽控，當然揀海膽啦！海膽新鮮唔腥、入口即化、味道濃郁!
海膽
20 views
0 likes
0 comments
由A - R，一共有十幾大類食物可以揀
我同朋友都好鐘意食刺身，今次當然唔例外，叫左十幾款刺身一大盤，帶子、鮑魚片、虎蝦、甜蝦、松葉蟹棒、北寄貝、希靈魚……等等，其中嘅帶子非常鮮甜、松葉蟹棒爽甜有蟹味、虎蝦爽甜彈牙，款款都好新鮮，真係食呢個刺身盤都夠回本，
刺身拼盤
18 views
1 likes
0 comments
迷你軟殼蟹手卷，軟殼蟹鬆化加上脆口的紫菜，好味！
迷你軟殼蟹手卷
12 views
0 likes
0 comments
溫室bb露筍天婦羅同溫室南瓜天婦羅嘅炸醬都好鬆脆，食落唔會油膩。
溫室bb露筍天婦羅 & 溫室南瓜天婦羅
16 views
0 likes
0 comments
芝麻海哲，酸酸味味充滿芝麻香，口感爽口彈牙，食完天婦羅食呢個刺激下味蕾又可以再戰江湖。
日本七味雞軟骨粒，爽脆得嚟辣辣地，食下一粒食下一粒，不知不覺就KO晒成兜了。
七味雞軟骨粒
12 views
0 likes
0 comments
鹽燒鯖魚，魚皮燒到好香口，魚肉juicy又唔腥，好味！
鹽燒鯖魚
8 views
0 likes
0 comments
鹽燒牛舌，表面脆口，入面嫩滑好夠牛味，讚！
鹽燒牛舌
8 views
0 likes
0 comments
有好多款飲品、甜品任食，仲有兩款榴蓮味嘅雪條任食，身為榴蓮控嘅我又點會錯過。
呢度食物唔錯，價錢又好抵食(任食2個鐘每人二百蚊唔洗)，坐得都好舒服，值得畀個like佢！
Post
