Video
Read full review
2020-08-15
359 views
平日我就比較少食元氣壽司，無意中留意到佢有下午茶食，見佢平平地，又可以解日愁，就把心一橫，入去試試佢啦。$50 就有三樣野，真心好抵，揀左以下呢套五件火炙組合，火炙過既魚肉香味更加突出，特別係三文魚，火炙不得了，玉子就略嫌唔夠蛋味同奶味。然後另一樣我要左芝士醬薯條，佢個薯條既感覺係類似麥記咁，但佢會比麥記既硬身啲，脆啲，加埋芝士醬食，其實相當唔錯。再另一樣我就要左海鮮茶碗蒸，個蛋勁滑溜，蛋味好香，足料。甜品控既我，當然走唔甩追加甜品，個曲奇雪糕我都係鍾意麥旋風多啲，個 brownie 唔錯，朱古力味都算重。千層蛋糕廿幾蚊左右，價錢幾平，質素都可以的，個底部係蛋糕底，入口唔會乾身，雖然唔係好好食，但因為價格唔貴，性價比都算高。如果唔食甜品，一個餐咁多野，都只係$55 連加一，性價比高！
無意中留意到佢有下午茶食，
見佢平平地，又可以解日愁，
就把心一橫，入去試試佢啦。
$50 就有三樣野，真心好抵，
揀左以下呢套五件火炙組合，
火炙過既魚肉香味更加突出，
特別係三文魚，火炙不得了，
玉子就略嫌唔夠蛋味同奶味。
然後另一樣我要左芝士醬薯條，
佢個薯條既感覺係類似麥記咁，
但佢會比麥記既硬身啲，脆啲，
加埋芝士醬食，其實相當唔錯。
再另一樣我就要左海鮮茶碗蒸，
個蛋勁滑溜，蛋味好香，足料。
甜品控既我，當然走唔甩追加甜品，
個曲奇雪糕我都係鍾意麥旋風多啲，
個 brownie 唔錯，朱古力味都算重。
千層蛋糕廿幾蚊左右，價錢幾平，
質素都可以的，個底部係蛋糕底，
入口唔會乾身，雖然唔係好好食，
但因為價格唔貴，性價比都算高。
如果唔食甜品，一個餐咁多野，
都只係$55 連加一，性價比高！
Post
