快樂小羊火鍋料理 (大鴻輝(荃灣)中心) (Closed)

今晚去左大鴻輝五樓食快樂小羊打邊爐🍲，呢間餐廳一直都係做緊單點，其實都覺得有啲貴，不過上網見到佢有個二人套餐好似幾抵食就諗住去試下，但餐牌又唔見有，好彩問一問職員啫，職員拎咗張點餐紙俾我哋，好詳細咁介紹餐牌，原來如果叫呢個二人餐，就$238包括咁多分類，每類別可以揀兩款，鴨血，凍豆腐，蔥油餅可以任食，如果唔够食可以再加嘢食就半價，仲送一份海鮮拼盤感者揀多兩款肉類😋另一個選擇就係單點，送湯底，包括鴛鴦鍋底，就全單有八五折，我哋考慮咗一陣，覺得套餐好似抵食啲，又唔使煩要嗌啲咩食👍我哋揀咗清湯同埋酸辣湯底，一份牛，一份羊，一份芋頭片，一份皇帝菜，仲揀咗羊肉串，仲有好多其他款不能盡錄，嗌佐之後好快就上咗菜，原來真係幾多下，差啲唔够位擺，不過張枱側邊仲放佐張細枱，剛剛好，見到個海鮮拼盤同埋牛肉羊肉嘅擺設，覺得呢間嘢真係好有心機，啲擺盤真心好靚，醬料要問職員拎先有，牛肩胛好好食好正，羊肉串必嗌，好好味😋，途中職員會不停幫我哋加湯底，服務態度好好👍，二人餐完全好够食又好味，好正，一定會再黎