Video
Read full review
2023-05-11
57 views
臨近母親節，就諗住一家人出嚟食餐飯！聽講呢間餐廳有好多菜式嘅嘢食，啱晒唔同人口味，就揀咗呢間🤣.首先一入門口已經覺得裝修好有心機，有好多小朋友會鍾意嘅卡通模型，包括米奇老鼠、Iron Man等，而入到去見到餐廳準備咗好多好特別嘅嘢食，晚市放題2個鐘先$238加一，就更加覺得冇嚟錯！.💎壽司刺身除咗有基本嘅刺身款式之外，一啲比較特別嘅壽司例如花之戀、焦糖烤玉子壽司、火炙壽司、卷物等都有，而且食落仲好新鮮，唔會怕放得耐而變質！.💎熟食同自助餐有啲相似，呢度都提供唔少款式嘅熱食，包括生炒骨、中式蒸魚、西芹蝦仁等！最令我驚喜嘅係豉椒炒蜆🤤食材處理得好乾淨，一啲沙粒都無，而且好夠鑊氣好惹味😋.💎特色小食除咗有唔同中式菜式，餐廳仲特別提供咗好多特色嘅小食，包括日式嘅茶碗蒸、西式嘅忌廉薯仔同薯格、港式嘅點心(包括燒賣、馬拉糕、叉燒包）同碗仔翅，一籠籠嘅點心熱辣辣，份量唔會好多，唔洗怕食完呢個食唔到其他🤣而忌廉薯仔質地就好似薯蓉咁，綿滑得嚟有好濃香嘅忌廉味，令我忍唔住係咁食！.💎 火鍋一見到有壽喜燒湯底已經覺得好正，火鍋配料都有勁多款，豬、牛、羊、雞都齊備，仲有火鍋必備嘅丸、魚腐、枝竹、芋絲、烏冬等，
就諗住一家人出嚟食餐飯！
聽講呢間餐廳有好多菜式嘅嘢食，
啱晒唔同人口味，
就揀咗呢間🤣
.
首先一入門口已經覺得裝修好有心機，
有好多小朋友會鍾意嘅卡通模型，
包括米奇老鼠、Iron Man等，
而入到去見到餐廳準備咗好多好特別嘅嘢食，
晚市放題2個鐘先$238加一，
就更加覺得冇嚟錯！
.
💎壽司刺身
除咗有基本嘅刺身款式之外，
一啲比較特別嘅壽司例如花之戀、焦糖烤玉子壽司、火炙壽司、卷物等都有，
而且食落仲好新鮮，
唔會怕放得耐而變質！
.
💎熟食
同自助餐有啲相似，呢度都提供唔少款式嘅熱食，
包括生炒骨、中式蒸魚、西芹蝦仁等！
最令我驚喜嘅係豉椒炒蜆🤤
食材處理得好乾淨，
一啲沙粒都無，
而且好夠鑊氣好惹味😋
.
💎特色小食
除咗有唔同中式菜式，
餐廳仲特別提供咗好多特色嘅小食，
包括日式嘅茶碗蒸、西式嘅忌廉薯仔同薯格、港式嘅點心(包括燒賣、馬拉糕、叉燒包）同碗仔翅，
一籠籠嘅點心熱辣辣，
份量唔會好多，
唔洗怕食完呢個食唔到其他🤣
而忌廉薯仔質地就好似薯蓉咁，
綿滑得嚟有好濃香嘅忌廉味，
令我忍唔住係咁食！
.
💎 火鍋
一見到有壽喜燒湯底已經覺得好正，火鍋配料都有勁多款，
豬、牛、羊、雞都齊備，
仲有火鍋必備嘅丸、魚腐、枝竹、芋絲、烏冬等，
夾埋超濃郁嘅湯底食超滿足！
.
💎 燒烤
同樣地，
基本上食開嘅燒烤款式都一定有。
另外佢仲提供其他餐廳比較少見嘅雞軟骨、多春魚、土匪雞翼、三文魚腩、一口牛等，
每樣一件試下都已經食到好飽🤣
.
💎甜品
蛋糕、奶凍、雪條、雪糕、豆腐花、泡芙通通都有，
而且仲唔只一兩款！
好欣賞餐廳會自創一啲特色少見嘅甜品，
例如木瓜奶凍、阿華田奶凍、香芋奶凍、3.6牛乳唧唧冰同菠蘿冰等。
特別係唧唧冰同菠蘿冰簡直係童年回憶🥹
喺到有得食返真係好開心。
.
💎飲品
最後，
餐廳好貼心咁提供冰凍飲品、室溫飲品、熱飲甚至酒類飲品！
除咗有紙包飲品同樽裝茶外，
一系列嘅花茶俾你揀同沖嚟飲，
仲有清酒同梅酒，
比你因應唔同嘢食揀相對應合適嘅飲品，
真係啱晒大人細路一齊去！
Post
