東京チカラめし

Open Now

Now Closed

依間係香港暫時有三間分店，主打食牛肉丼同埋豚肉丼。果日去到門口已經有條小小嘅人龍，但呢間野都係速食類型，所以唔係等左好耐就入到去。佢個價錢好親民，大約四五十蚊就一個丼飯，如果加大就加多10蚊。我今日冇特別加大，但都覺得食完好飽，所以一般女仔我覺得都唔駛加大。我今日叫左一個鹽燒豚肉丼配溫泉玉子，豚肉咬落好多汁好有肉味，醬汁撈飯再加埋温泉蛋蛋汁，一碗白飯好快食曬。而且佢嘅豚肉份量都幾多，有差唔多八至九塊，十分之抵食又好食。另外，我仲加左18蚊叫左唐揚炸雞，有三舊，都幾大舊，啱啱炸起，好香口好扺食。總括嚟講，價錢親民而且味道又好嘅牛／豚肉丼飯，仲好啱一個人嚟速食。