LM Cafe (Closed)

今天朋友約左我食飯，佢去完旅行買左手信比我，我收工就去她工作的地方等，她在觀塘工作，那兒有好多食店，她說公司附近有一間LM Cafe龍門冰室，d野抵食又好味，今晚就帶我去食晚餐。瑞士雞翼好入味又嫩滑，每晚都有特價，10蚊有5隻，好抵食。芝士肉醬焗薯條，薯條炸得好香脆，加上肉碎和芝士焗至金黃色，芝士可以拉絲，好惹味！吞拿魚芝士玉子燒配炸帶子和撈丁，外層的蛋嫩滑，中間的吞拿魚餡料都好多，還加入芝士更好味，炸帶子香脆、撈丁麵質爽口，加有燒汁味道不錯！餐湯是雜菜湯，大大碗，酸酸地好開胃。美式雜扒好大份量，有豬扒、雞扒、腸仔、烟肉和煎蛋,配菜是薯菜，加上濃郁的黑椒汁，甚美味！Kronenbourg 1664 Blanc，朋友喜歡放工飲杯啤酒，放鬆一下心情！雪糕紅豆冰，紅豆大粒又夠林，雪糕是雲呢拿味，令紅豆冰奶味更濃郁。