Achacha Food & Beverage Boutique (Closed)

某平台做緊半價優惠，我係平日晚上黎到，人唔算多，幾枱客，所以服務我覺得好理想，都主動同我哋添水，服務態度唔錯👍食物方面，我點了牛扒，松露意粉，焗芝士，同埋煙三文魚薄餅。牛扒五成熟，切落唔覺得老，唔鞋口，好食好淋，最緊要係勁大塊，配薯蓉，一個人食會勁飽😆意粉煮得幾好，意粉唔會過軟，醬汁好香。芝士配法包，好香芝士味，好正😚三文魚薄餅幾特別，好似班戟咁，我個人覺得幾好食。最緊要，最緊要係以上4樣野，折左埋單係二百幾蚊，兩個人食到飽飽。呢個價錢，呢個質素，值得推介。