Video
Read full review
2023-09-09
221 views
淨係聽「馬六」個名都知道呢間餐廳係食星馬菜，價錢非常親民，平日午市經常滿座，假日唔使講，連下午茶都要拎飛排隊！餐廳嘅海南雞飯、喇沙湯麵、咖吔多士，都好啱我食，好多時候我自己一個都會幫襯呢間餐廳！今次平日難得早收工，仲趕得切食下午茶，拉埋同事一齊食！$200落樓可以食三個茶餐，再單點兩個小食，真係好抵！馬六無骨海南雞飯（餐） $65呢個海南雞飯我平時都成日食，火候啱啱好，雞肉好滑，無骨真係好正，跟黑醬油、辣椒醬、薑蓉3種醬料，雞油飯好香，而且粒粒分明，每次食都清晒！馬六魚三寶檳城蝦麵（餐） $52平時都係食喇沙湯麵多，今次試新嘢，見到Menu推介呢個麵一於試吓，點知有驚喜！湯底好重蝦嘅鹹香味，而且好足料，有齊魚丸、魚條、魚皮，仲有豆角、糖心蛋等配料，鋪滿晒成碗麵！下次可以再encore！斑蘭咖吔多士（餐）$28呢個咖吔多真係每次必食，多士又薄又脆，斑斕醬香得來唔會太甜，中間仲有塊牛油，香口得嚟都好邪惡！馬來手工拉茶（餐飲）由於大家都好鍾意奶茶，三個餐嘅餐飲都揀咗同奶茶相近嘅凍拉茶，不過拉茶冇港式奶茶茶味咁重，偏向奶味多啲，好順滑！娘惹芝麻蝦多士（2件） $18細細塊嘅多士由一層蝦滑一層麵
馬六無骨海南雞飯（餐） $65
呢個海南雞飯我平時都成日食，火候啱啱好，雞肉好滑，無骨真係好正，跟黑醬油、辣椒醬、薑蓉3種醬料，雞油飯好香，而且粒粒分明，每次食都清晒！
馬六魚三寶檳城蝦麵（餐） $52
平時都係食喇沙湯麵多，今次試新嘢，見到Menu推介呢個麵一於試吓，點知有驚喜！湯底好重蝦嘅鹹香味，而且好足料，有齊魚丸、魚條、魚皮，仲有豆角、糖心蛋等配料，鋪滿晒成碗麵！下次可以再encore！
斑蘭咖吔多士（餐）$28
呢個咖吔多真係每次必食，多士又薄又脆，斑斕醬香得來唔會太甜，中間仲有塊牛油，香口得嚟都好邪惡！
馬來手工拉茶（餐飲）
由於大家都好鍾意奶茶，三個餐嘅餐飲都揀咗同奶茶相近嘅凍拉茶，不過拉茶冇港式奶茶茶味咁重，偏向奶味多啲，好順滑！
娘惹芝麻蝦多士（2件） $18
細細塊嘅多士由一層蝦滑一層麵包製成，再用芝麻包滿，食落勁酥脆卜卜聲，當小食啱啱好，唔會太飽，又有口感！
街頭雞肉串燒（2串）$26
沾滿惹味醬汁，味道豐富，雞肉幾厚實！
Post
