古早味休閒台灣 (Closed)

今晚出左旺角，想食台式野，來到位於旺角亞皆老街的古早味休閒台灣，旺角地鐵站D3出口出的話，唔駛過馬路，應該方便過D2出。餐廳係地下拎位，到樓上就坐，餐廳好大，坐得好舒服。同友人都係點左晚餐，大雞扒滷肉飯，用半價加左花枝蝦餅。食物好快到，仲係熱辣辣添~大雞扒滷肉飯食到台灣的感覺，雞扒香脆唔乾，肉質鮮嫩，撥開雞扒就見到一大堆有肥有瘦的滷肉，撈飯真係一流。花枝蝦餅半價換取，抵食，又係好香脆，蝦肉甜而彈牙，有口感。今次飲品無揀珍珠奶茶，反而揀左白桃西柚水果茶，好清新~唔錯。食埋甜品一人都係$160，好抵食。