珞桐冰室 (Closed)

今日終於可以試到，呢間位於街市入面舖位的隱世茶餐廳，附近環境衛生都過得去。是日精選午餐：厚切西冷牛扒$52（跟意粉）意粉送到時嚇一跳🤣，超大碟，有圖有真相😃塊西冷牛扒佔據隻碟嘅3分2面積，仲有意粉和配菜鋪滿碟，份量足夠到連食量大嘅男仕都滿意💯。黑椒汁好香，好有黑椒辣味，並唔係一pat漿糊狀嘅獻汁👍，意粉熟度剛好，牛扒有質素。奶茶唔澀順喉，唔錯。今次覺得食物質素唔錯，而且價錢相宜，可以回頭再幫襯。