林氏廚房 (Closed)

位於荔枝角工廈既私房菜，環境寬敞舒適，有樂隊唱歌表演，氣氛熱鬧，適合一大班朋友聚餐。我哋叫咗個二人餐都係$488超級抵！餐湯餐湯係忌廉粟米湯，口感順滑，忌廉味濃郁。蟹肉煙三文魚配油醋汁蟹肉鮮甜而且份量都幾多，煙三文魚較低油膩感，同時保留淡淡煙燻既味道。 配埋酸酸甜甜既沙律菜，十分好開胃。炸物拼盤拼盤有雞軟骨、菇同埋魷魚鬚，沾蛋黃醬食夠哂邪惡。鵝肝拼纽西蘭牛柳🐮牛柳熟度整得岩岩好，切開仲係粉嫰顏色，脂肪含量較少，口感軟腍，牛味香濃👍🏻。鵝肝軟綿，可以話係入口即融。帶子黑松露意大利飯帶子厚實鮮甜，意大利飯軟稔中帶點煙韌，忌廉汁滲透飯中，十分creamy順滑黑松露味夠哂濃郁😍😍。​芝士蛋糕質感比較堅硬挺身，口感綿密細滑。士多啤梨奶昔奶味較濃，淡淡既士多啤梨味。熱情果梳打酸酸地，消暑一流。