包龍星點心專家

Open Now

Now Closed

今日去接小朋友放學，聽啲媽媽朋友介紹學校附近有間買點心嘅舖頭，菠蘿包仔入邊真係有菠蘿，我帶小朋友一齊去買下午茶，點知見到佢入邊啲嘢食真係好抵食，凍包都只係12-13蚊到一盒，買定幾盒呢幾日做早餐。菠蘿包仔除咗真係有菠蘿粒，仲有奶黃餡，外皮脆脆地入邊甜甜地，小朋友最愛。其他點心都一樣出色，而且款款都大大粒，燒賣每粒都有大大隻蝦，鹹水角同埋煎堆外面煙煙韌韌，入邊唔會太甜，當下午茶食真係好滿足。蘿蔔糕分量十足，每一啖都食到蘿蔔絲，蒸飯更加係大碗夾抵食，我見到碗飯超級滿，味道仲要唔錯，最重要係真係好平啊！我買咗幾份凍包，紫薯包同埋流沙包，入邊都唔會太甜，做小朋友早餐啱啱好，不過最唔估唔到係我貪得意買咗一份章魚雞粒，夜晚就咁蒸嚟食，估唔到超級好食，章魚好惹味，我覺得一盒兩個人食啱啱好，用嚟送飯非常精彩。