Video
Read full review
2009-05-06
2 views
人老左都係鍾意食中菜西湖做左呢個上海二人餐promo好耐，分豪華版＆尊貴版，分別就係一個平d一個貴d啦。我地叫左個平d既，＄１９８，連加一茶芥＄２５１。呢個餐最正之處係可以試好多樣野食，每樣少少地，最初見到６小碟細得可憐，但係食下食下就發現好飽，結果有d要打包。首先六小碟，（睇相啦）我覺得個醺魚唔錯，因為本身我不太愛的，出面有d會好硬，太濃味，但呢度既唔會，啱啱好，鎮江肴肉係我最欣賞既，不過個人覺得醉轉彎酒味太重，冇酒香。。然後雲吞雞湯係兩碗餐湯size既，小籠包兩粒，睇其他食評話無湯，但係我食到有喎，好juicy！紅燒肉係我覺得好正，真係做到肥而不漏！仲有腿茸津白+松子桂魚，雖然係細條，但係真係成條上既桂魚（我媽咪以為比一部份架咋）兩個人點食阿。。。不過魚同紅燒肉呢d平日送飯架嘛，齋食有d唔慣，仲有兩細碗擔擔麵，花生香，正不過食一兩啖已經好飽啦。最後新鮮熱辣既高力豆沙，非常淡色，但依然好味。如果兩個人去真係最啱呢個餐，又可以食咁多碟
西湖做左呢個上海二人餐promo好耐，
分豪華版＆尊貴版，
分別就係一個平d一個貴d啦。
我地叫左個平d既，＄１９８，連加一茶芥＄２５１。
呢個餐最正之處係可以試好多樣野食，
每樣少少地，最初見到６小碟細得可憐，
但係食下食下就發現好飽，結果有d要打包。
首先六小碟，（睇相啦）
我覺得個醺魚唔錯，因為本身我不太愛的，
出面有d會好硬，太濃味，但呢度既唔會，啱啱好，
鎮江肴肉係我最欣賞既，
不過個人覺得醉轉彎酒味太重，冇酒香。。
然後雲吞雞湯係兩碗餐湯size既，
小籠包兩粒，睇其他食評話無湯，但係我食到有喎，好juicy！
紅燒肉係我覺得好正，真係做到肥而不漏！
仲有腿茸津白+松子桂魚，
雖然係細條，但係真係成條上既桂魚（我媽咪以為比一部份架咋）
兩個人點食阿。。。
不過魚同紅燒肉呢d平日送飯架嘛，齋食有d唔慣，
仲有兩細碗擔擔麵，
花生香，正
不過食一兩啖已經好飽啦。
最後新鮮熱辣既高力豆沙，非常淡色，但依然好味。
如果兩個人去真係最啱呢個餐，又可以食咁多碟
Post
